DodaSport | Әлем және Қазақ спорты СпортҚазақстандық кәсіпқой боксшы қыз Фируза Шәріпова Астанадағы чемпиондық атаққа талас үшін өткізетін кездесуінде болгар Милена Колевамен жұдырықтасатын болды.
Фирузаның қарсыласы тәжірибелі боксшылардың бірі. Соңғы жекпе-жегінде IBO нұсқасы бойынша әлем чемпионы ресейлік Светлана Кулаковамен жұдырықтасқан. Оған дейін ирландиялық Олимпиада чемпионы Кэти Тейлор, IBF нұсқасы бойынша чемпиондық атаққа ие Майво Хамадучемен (Франция) қолғап түйістірген. Қазіргі таңда Милена Колева әлемдік рейтингте Фирузадан жоғары тұр.
Айта кетейік, Фируза Шәріпова шаршы алаңға шығатын бокс кеші 26 тамыз күні өтеді. Бокс кешінің басты кездесуіндегі жекпе-жек 10 раундқа жоспарланған.