Басты бет / Басқа түрлер / «ҚАЖЫМҰҚАН ТАСЫН» КӨТЕРГЕН ЖАС БАЛУАН

«ҚАЖЫМҰҚАН ТАСЫН» КӨТЕРГЕН ЖАС БАЛУАН

Қазақ күресінен Қазақстан құрамасының мүшесі, ақсулық Әміре Бағұстар елордалық этноауылда өткен «Тас көтеру» жарысының жеңімпазы атанды.

Зілдей ауыр тасты көтеру үшін еліміздің әр түкпірінен қара күш иелері жиналды. Ересек азаматтар бағындыра алмаған ауыр тасты 19 жастағы Ақсу қаласының тұрғыны көтеріп алды, деп хабарлайды pavlodarnews.kz тілшісі.

“Мен бұл тасты көтеретініме толық сенімді болдым. Бастысы, тасты дұрыс ұстап, техниканы дұрыс жасау”, – деді жеңімпаз.

Айта кетейік, салмағы 300 келідей болатын тасты Астанаға Баянауыл даласынан алып келген. Дәл осы жерде атақты балуан Қажымұқан тасты қолында ұстап, қара күш иесі екендігін дәлелдеген.

“Біз мұндай жарыстарды қазақ елін әлемге танытқан рухты батырларымызыға құрмет көрсету мақсатында өткіземіз. Осындай жарыс үшінші рет өткізіліп отыр, алайда тасты жерден көтере алған адам биыл ғана анықталды”, – дейді Павлодар облыстық дене шынықтыру және спорт басқармасының басшысы Марат Айдашев.

Өз кезегінде Павлодар облысының әкімі Болат Бақауов жеңімпазды құттықтап, Әміре Бағұстарға жаңа теледидарды сыйға тартты.

stan.kz

Сондай-ақ

АЛМАТЫДА ҚАЗАҚ КҮРЕСІНЕН «ЖАС БАРЫСЫ» ТУРНИРІ ӨТЕДІ

Қазан айының 21-і мен 22-і күндері Әл-Фараби атындағы Қазақ Ұлттық Университетінің спорт кешенінде қазақ күресінен …

Добавить комментарий