Қуат Хамитов Алматыда Конор МакГрегордың спарринг-серіктесімен жекпе-жегі ресми түрде жарияланды.
26-шы қарашада «Алматы-Аренада» ғаламат шоу өтеді — қазақстандық жаңадан ашылған AFC промоушені мен ресейлік Fight Nights компаниясы бірге турнир өткізеді. Кештің басты жекпе-жегінде Қуат «Найман» Хамитов пен ирландиядық Питер Куиллимен кездеседі. Ирландиялық файтер үздік ондықтағы спортшы, ол әлемдік жұлдыз, ММА спортшысы Конор МакГрегордің спарринг серіктесі, — деп хабарлайды ұйымдастырушылардың баспасөз қызметі.
«Куилли соңғы жеңісенен кейін Хамитовқа жекпе-жек өткізу туралы ұсыныс жасаған болатын, Қуат Хамитов өзінің жарқын әрі табысты жекпе-жектерімен жұртшылыққа жақсы танымал. Сонымен қатар, ол футбол тақырыбында, Геннадий Головкин мен уақытша тіркеу туралы мәлімдемелер жасаған еді. Оны талай адамдар мадақтап, жақсылығын артып айтып жатса, біреулер оны кінәлап жатады. «Найман» әр уақытта да өз елінде ММА кешінде басты жекпе-жекке шығуды армандайтынын айтып келеді», — деді баспасөз қызметіндегілер.
Ұйымдыстырушылар 12 мыңдық «Алматы Арена» залын толтыруды көздеп отыр. Сонымен қатар, ұйымдастырушылар бұл турнир спорттағы жаңа серпін болатынын және қазақстандық AFC промоушенін дамытуға жол ашылатынын айтады.
Турнир барысында QAZAQ 70-і гран-приі өтеді, онда 70 келіге дейінгі ең үздік файтерлер кездеседі. Осы кеште Fight Nights ұйымының чемпионы Георгий Кичигин мен Магомед Нуров және Жалғас Жұмағұлов пен Шадж Хэкпен кездеседі.
Ақпарат көзі: Vesti.kz