Ресей астанасы Мәскеуде спорттық гимнастикадан XXIV-шы Олимпиада чемпионы Михаил Воронин атындағы Халықаралық турнир өтті.
18-20 желтоқсан аралығында өткен бескеге әлемнің ең үздік гимнастшылары, нақтырақ айтқанда 28 елден Олимпиада ойындарының чемпиондары мен жүлдегерлері қатысты.
200 спортшының арасынан отандасымыз Нариман Курбанов «ат» жаттығуы бойынша үздік шықты. 14,600 ұпай жинаған Нариман қос қарсыласын айқын басымдылықпен ұтты. Екінші орындағы Армениялық Артур Давтян мен Ресейлік Никита Нагорный 13,900 ұпай еншіледі.
