«Реал Мадрид» клубының бас бапкері Зинедин Зидан — ФИФА нұсқасы бойынша 2017-шы жылдың ең үздік бапкері атанды.
Франциялық бапкер Лондонда өткен марапаттау рәсімінде, The Best марапатына ие болды. Бас жүлде үшін таласта Зинедин Зидан, Антонио Конте («Челси») мен Массимилиано Аллегриден («Ювентус») басым түсті.
Зидан 2016/2017-шы маусымда «Реал Мадридпен» Испания біріншілігін және Чемпиондар лигасын ұтып алған болатын. Ал, өткен жылы ең үздік бапкер атағын Клаудио Раньери «Лестермен» ұтып алған.