ФИРУЗА ШАРИПОВА WBC International БЕЛДІГІНЕ ТАЛАСПАҚ

Фируза Шарипова Магнитогорскте (Ресей) шілде айының 6 жұлдызында WBC International белдігіне таласпақ. Шариповадан бөлек бұл кеште тағы да 3 чемпиондық белдік ойнатылады.

Бірақ, бұл кездеуге дейін Шарипова (4-1-0, 2КО) 27 мамырда Мәскеуде Shamo Boxing Promotions ұйымдастырып отырған кеште кездесу өткізеді.

Сонымен қатар, Фируза Шарипова Астанада «Сарыарқа» велотрегінде шілде айының соңында өз салмағындағы әлемдік рейтингтің бірінші нөмірлі боксшысы жеңіліп көрмеген 36 жасар финляндиялық Ева Вальстроммен (19-0-1, 3КО) жолығады деп айтқан болатынбыз.