Басты бет / Басқа түрлер / АЛМАТЫДА РЕГБИДЕН «ЗОЛОТОЙ ОВАЛ» ЖАЗҒЫ ЧЕМПИОНАТ ӨТТІ

АЛМАТЫДА РЕГБИДЕН «ЗОЛОТОЙ ОВАЛ» ЖАЗҒЫ ЧЕМПИОНАТ ӨТТІ

«Алаш» стадионында регбиден жасөспірімдер арасында «Золотой овал» ашық жазғы біріншілік өтті. Жарысқа 2000-2006 жылдары туылған балалар мен жасөспірімдер қатысты. Еліміздің түкпір-түкпірінен алты команда өзара мықтыны анықтады. 

Бас төрешінің айтуынша, жазғы демалысқа қарамастан, барлығы жиналып, жақсы ойын үлгісін көрсетті.

— Барлығының жиналағанына  қуаныштымыз. Бұл чемпионатта бапкерлер регбиден ҚР құрамасына үздік спортшыларды қарастыруда. Кейіннен, олар біздің клубтардың қатарын көбейтіп, ел намысын халықаралық жарыстарда қорғайтынына сенеміз! –деп атап өтті Андрей Петухов.

Жарыс қорытындысы бойынша қыздар арасында «Алаш» командасы алтыннан алқа тақса, ұлдардан «Азия» құрамасы үздік атанды.  Қос ұжымның спортшылары № 3 Кешенді балалар-жасөспірімдер спорт мектебінің тәрбиеленушілері. Күмісті «Айнабұлақ» (ұлдар) пен «Талғар» (қыздар)алса, ал қоланы «Талғар» (ұлдар) мен «ОҚО» (қыздар) ұжымдары қанағат тұтты.

— Біз ел чемпионы атандық. Біз үшін бұл үлкен жетістік. Алғаш рет осындай нәтижеге қол жеткіздік. Әрине, жеңіс оңай берілген жоқ, әсіресе «Айнабұлақ» командасымен ойнау қиын болды. Біз барлық командалармен кездесіп, ойындарды жеңіспен аяқтадық. Қарсылартарға келгендері үшін алғысымыз шексіз. Жеңіске жеткенімізге өте  қуаныштымыз, — деп бөлісті «Азия» капитаны Радион Шипицин.

Аталмыш турнир XIX  Қазақстан чемпионаты аясында 15х15, 13х13, 10х10 , 7х7 регби түрлерінен ерлер, әйелдер және балалар мен жасөспірімдер арасында өтті.Еске сала кетсек, ел бірінішілігі сәуірдің 15-і күні басталып, қазанның 25-не дейін жалғасады. Алматылық ұжым үшін екі кезең де сәтті аяқталды. Ұлдар да, қыздар да  жетекші  орындарда келе жатыр. Жалпы чемпионат 7 кезеңнен тұрады, спортшылар еліміздің түрлі қалаларында бақ сынасады. Үшінші кезең Талдықорғанда өтсе, ал шешуші 7 кезең Алматыда қазанның 15-20 күндері өтеді.

Республикалық жарыс регбиді елге таныту, жастар арасында салауатты өмір салтын насихаттау, спортшылардың шеберліктерін арттыру, спорт шеберлерін ҚР ұлттық құрамасына дайындау, сондай-ақ, Азия, Әлем чемпионатына, Азия, Олимпиада ойындарына үздіктерді іріктеу мақсатында ұйымдастырылады.

Бірінші орынды иеленген команда I дәрежедегі диплом мен кубоктармен марапатталды. Ал жүлдегерлерге дене шынықтыру және спорт Комитетінің, ҚР мәдениет және спорт министрлігінің және Регбиден Қазақстан Федерациясының атынан медаль мен дипломдар табысталды.

Сондай-ақ

«ЮВЕНТУС» ОН ОЙЫНШЫМЕН «УДИНЕЗЕНІ» ОҢАЙ ЖЕҢДІ

Италия біріншілігінің 9-шы кезеңінде өткен «Удинезе» мен «Ювентус» арасындағы ойында, төреші «Ювентус» командасының шабуылшысы Марио …

Добавить комментарий