DodaSport | Әлем және Қазақ спорты Спорт
Оралдық «Ақжайықтың» бас бапкері Вахид Масудов «Ертіске» қарсы өткізген ойын жайлы пікірін білдірді.
— Кездесу тағдырының пенальтимен шешілгені өкінішті. Екінші тайма шабуылдарымыз болды,бірнеше жақсы моменттер орын алды. Біз бар күшімізді шабуылға салған едік, бірақ, қорғаныста қателікке жол жіберіп қойдық. Негізі, ойын барысында тең есепке лайық едік. Дегенмен, бұл – футбол, егер сен гол соқпасаң, бәрі басқаша болады.
— Қатарларыңызға жаңадан қосылған Аренас Дельгадоның ойынына қандай баға бересіз?
— Ол 4 наурыз күні ғана ұшып келді. Мүмкін арамызға сіңісіп үлгермеген шығар. Оны негізгі құрамға шығарып мен де қателескен сияқтымын. Кей жерлерде ол жақсы техникалық ойын көрсетті, бірақ, біздің футболға үйрену үшін оған уақыт керек.
«Ертіс» футбол клубының баспасөз қызметі.