Басты бет / Әлем / ЛАТВИЯЛЫҚ ҚЫЗ «РОЛАН ГАРРОСТА» СЕНСАЦИЯ ЖАСАП, ЖЕҢІСКЕ ЖЕТТІ

ЛАТВИЯЛЫҚ ҚЫЗ «РОЛАН ГАРРОСТА» СЕНСАЦИЯ ЖАСАП, ЖЕҢІСКЕ ЖЕТТІ

Парижде теннистен «Ролан Гаррос» турнирінің әйелдер арасындағы соңғы бәсекесінде әлемнің төртінші ракеткасы румыниялық Симона Халеп пен дүниежүзілік рейтингте небәрі 47-орында тұрған латвиялық Елена Остапенко күш сынасты.

Бұл туралы «ҚазАқпарат» хабарлайды. Қос теннисші ойын барысында алма-кезек брейк жасап, бір-бірінен шеберлігін асыруға тырысып бақты. Бірінші партияда тәжірибелі Халеп 6:4 есебімен жеңіске жетті. Ал екінші және үшінші партиялардың шешуші сәттерінде 20 жастағы Остапенко шебер ойнап, 6:4, 6:3 есебімен ұтты. Осылайша күтпеген жерден айды аспанға шығарған Остапенко өз спорттық жолында және Латвия елінің тарихында тұңғыш рет әлем біріншілігімен тең саналатын Франция ашық чемпионатының жеңімпазы атанды. Енді ол дүниежүзілік рейтингте 12-орынға бір-ақ көтеріледі. Егер финалда жеңген кезде, С.Халеп бірінші ракетка атанатын еді. Ол ұтылып қалғаннан кейін неміс теннисшісі Анжелика Кербер бұрынғыша рейтингтің көш басында қалатын болды.

Еске сала кетейік, Қазақстанның бірінші ракеткасы Юлия Путинцева «Ролан Гаррос» турнирінде үшінші айналымға дейін жетсе, Ярослава Шведова алғашқы кездесуінде-ақ қарсыласына есе жіберген болатын.

Ар ерлер арасындағы соңғы сында испаниялық Рафаэль Надаль мен швейцариялық Стэн Вавринка кездеседі.

Сондай-ақ

АТЫРАУДА ЕЛІМІЗДЕ БҰРЫН-СОҢДЫ БОЛМАҒАН СПОРТ ФЕСТИВАЛЬІ ӨТТІ

19 тамыз спорт күні мерекесіне орай Атырау қаласында 16 спорттың басын біріктірген «Атырау Спорт Фэст …

Добавить комментарий