Басты бет / Басқа түрлер / АЛМАТЫДА РЕГБИДЕН «ЗОЛОТОЙ ОВАЛ» ЖАЗҒЫ ЧЕМПИОНАТ ӨЗ МӘРЕСІНЕ ЖЕТТІ

АЛМАТЫДА РЕГБИДЕН «ЗОЛОТОЙ ОВАЛ» ЖАЗҒЫ ЧЕМПИОНАТ ӨЗ МӘРЕСІНЕ ЖЕТТІ

Бүгін «Алаш» стадионында регбиден жастар арасында ашық жазғы «Золотой Овал» біріншілігі аяқталды.Жарысқа балалар мен жасөспірімдер қатысты. Қазақстаннның түкпір-түкпірінен алты командадан келген спортшылар өзара мықтыны анықтады.

Жарыс нәтижелері бойынша 2000-2002 жылғы қыздар арасында бірінші орынға Алматы қаласының № 3 спорт мектебінің регбишілері жайғаса, «Алаш» командасы екінші орынды иеленді.Ал үздік үштікті астаналық спортшылар қорытындылады. 2003-2004 жылғы жеткіншектер арасында Алматы қаласының намысын қорғаған «Азия» командасы чемпион атанса, «Айнабулак» спортшылары күміспен күптелді. Ал » Талғар» регбишілері қоланы қанағат тұтты. 2000-2001 жылғы балалар арасында «Каменка» үздік атанса, екінші орынды «Астана» иеленді. Ал «Айнабулак» құрамасы үшінші орынға жайғасты.

«Азия» командасының капитаны Александр Тен: 

— Біз жеңіске жеткенімізге қуаныштымыз. Қарсыластар өте мықты болды. Мен екі жылға жуық регбимен айналысамын. Біз 2016 жылдың Қазақстан чемпионымыз. Әрине, шаршадық, бірақ барымызды салып жеңімпаз атанжық! Жазғы демалыста осындай чемпионатты ұйымдастырғаны біз жақсы болды. Осындай мереке үшін алғыс айтамыз.Республикалық жарыс регбиді елге таныту, жастар арасында салауатты өмір салтын насихаттау, спортшылардың шеберліктерін арттыру, спорт шеберлерін ҚР ұлттық құрамасына дайындау, сондай-ақ, Азия, Әлем чемпионатына, Азия, Олимпиада ойындарына үздіктерді іріктеу мақсатында ұйымдастырылады.
«Каменка» командасының капитаны Дэни Рашидия:

— Біз чемпионатқа барымызды салып, дайындалдық. Жалпы турнир керемет өтті. Қарсыластар жоғарғы деңгейде өнер көрсетті. Оларға деген алғысымыз шексіз. Біз төрт кездесу өткіздік, «Айнабулак» командасын жеңу қиынға соқты.

Аталмыш турнир XIX Қазақстан чемпионаты аясында 15х15, 13х13, 10х10 , 7х7 регби түрлерінен ерлер, әйелдер және балалар мен жасөспірімдер арасында өтті. Еске сала кетсек, ел бірінішілігі сәуірдің 15-і күні басталып, қазанның 25-не дейін жалғасады. Алматылық ұжым үшін екі кезең де сәтті аяқталды. Ұлдар да, қыздар да жетекші орындарда келе жатыр. Жалпы чемпионат 7 кезеңнен тұрады, спортшылар еліміздің түрлі қалаларында бақ сынасады. Үшінші кезең Талдықорғанда өтсе, ал шешуші 7 кезең Алматыда қазанның 15-20 күндері өтеді.
Бірінші орынды иеленген команда I дәрежедегі диплом мен кубоктармен марапатталды. Ал жүлдегерлерге дене шынықтыру және спорт Комитетінің, ҚР мәдениет және спорт министрлігінің және Регбиден Қазақстан Федерациясының атынан медаль мен дипломдар табысталды.

Сондай-ақ

«ЮВЕНТУС» ОН ОЙЫНШЫМЕН «УДИНЕЗЕНІ» ОҢАЙ ЖЕҢДІ

Италия біріншілігінің 9-шы кезеңінде өткен «Удинезе» мен «Ювентус» арасындағы ойында, төреші «Ювентус» командасының шабуылшысы Марио …

Добавить комментарий