Геннадий Головкин (38-0-1, 34 КО) мен мексикалық Сауль Альварестің (49-1-2, 34 КО) екінші жекпе-жегі өтетін бокс кешінде, канадалық Давид Лемье (39-4, 33 KO) мен ирландиялық Гэри О’Салливан (28-2, 20 КО) өзара кім мықтыны анықтау үшін жұдырықтасады.
Головкин — Канелоға қарсы өткізетін жекпе-жегінде өзінің барлық белбеулерін тігеді. Сондай-ақ, қос боксшы The Ring нұсқасы бойынша әлем чемпионы белбеуін және WBC президенті жасатқан арнайы белбеуді сарапқа салады.
Осылайша, Лемье мен О’Салливан арасындағы кездесудің жеңімпазы, Головкин — Альварес жекпе-жегінің жеңімпазымен міндетті түрде қолғап түйістіреді.
Головкин мен Канело арасындағы екінші жекпе-жек 15-ші қыркүйек күні (Қазақстанда 16-шы қыркүйек күні таңертең) Лас-Вегастағы «T-Mobile Arena»-да өтеді. Басты жекпе-жек Астана уақыты бойынша шамамен сағат 08:00 мен 08:30 аралығында басталады. Қазақстандық «Qazaqstan» және «QazSport» телеарналары бокс кешін тікелей эфирде көрсетеді.