Басты бет / Соңғы жаңалықтар / КУКУШКИН «РОЛАН ГАРРОСТЫҢ» ҮШІНШІ КЕЗЕҢІНЕ ӨТЕ АЛМАДЫ

КУКУШКИН «РОЛАН ГАРРОСТЫҢ» ҮШІНШІ КЕЗЕҢІНЕ ӨТЕ АЛМАДЫ

Парижде өтіп жатқан Франция ашық чемпионаты — «Ролан Гаррос» турнирінің екінші айналымында Қазақстанның бірінші, әлемнің 85-інші ракеткасы Михаил Кукушкин дүниежүзілік рейтингте 18-інші сатыда тұрған испаниялық Роберто Баутиста-Агутпен күш сынасты, деп хабарлайды «ҚазАқпарат» тілшісі.
www.championat.com алынған мәліметке қарағанда, бұл кездесуде осы турнирдің 17-інші ракеткасы болып тіркелген испаниялық теннисші 6:3, 3:6, 6:3, 7:6 (7:3) есебімен жеңіске жетті. Үш сағатқа жуық уақытқа созылған матчта Роберто Баутиста-Агут алты рет брейк жасаса, Михаил Кукушкин бес брейкке қол жеткізді. Енді Р.Баутиста-Агут үшінші айналымда чехиялық Иржи Веселымен кортқа шығады.
Осылайша, Франция ашық чемпионатының жекелей сынында Қазақстаннан Юлия Путинцева ғана қалды. Ол үшінші айналымда осы турнирдің өткен жылғы жеңімпазы, биылғы төртінші ракеткасы, тағы бір испаниялық Гарбинье Мугурусамен шеберлік байқасады.

inform.kz

Сондай-ақ

«ЮВЕНТУС» ОН ОЙЫНШЫМЕН «УДИНЕЗЕНІ» ОҢАЙ ЖЕҢДІ

Италия біріншілігінің 9-шы кезеңінде өткен «Удинезе» мен «Ювентус» арасындағы ойында, төреші «Ювентус» командасының шабуылшысы Марио …

Добавить комментарий