DodaSport | Әлем және Қазақ спорты Спорт«Тараз» футбол клубы алматылық «Қайрат» командасының шабуылшысы Мадияр Райымбекті маусым соңына дейін жалға алды.
Мадияр Райымбек «Қайрат» командасының түлегі. 21 жасар футболшы алты жыл көлемінде «Қайраттың» жастар командасында ойнаған. Өткен жылы 21 ойында жеті гол соққан. Сондай-ақ, Екінші лига чемпионы атанған.
Шабуылшы «Тараз» клубының осы аптадағы екінші трансфері. Осыған дейін, жамбылдық клуб «Монтажник» командасының түлегі Еркебұлан Сейдахметпен бір жылдық келісім-шартқа отырған болатын.
«Тараз» командасы биылғы біріншілікте 21-22 жасар жеті футболшымен келісім-шарт жасасқан (Райымбек пен Сейдахметтен бөлек).
| № | Аты-жөні | Туғын жылы | Позициясы |
| 35 | Бобыр Зайнутдинов | 16.03.1995 | қақпашы |
| 22 | Мадияр Нұралы | 20.01.1995 | қорғаушы |
| 6 | Құрмет Қараман | 02.08.1995 | қорғаушы |
| 4 | Әділет Кеңесбек | 05.01.1996 | қорғаушы |
| 5 | Бекзат Шадманов | 12.08.1997 | қорғаушы |
| 26 | Санжар Нұрлыбаев | 26.04.1996 | жартылай қорғаушы |
| 10 | Гаврил Кан | 10.01.1999 | жартылай қорғаушы |
Ильяс СӘРСЕНБАЙ.