Қыздар арасындағы күрестен Олимпиада жүлдесін тұңғыш қазақ қызы Эльмира Сыздықова иемденді.
69 келі салмақта сынға түскен балуан қызымыз 1/16 финалда ресейлік қарсыласы Наталья Воробьеваға 4:1 есебімен жеңіліп қалды. Воробьеваның финалға жетуі Сыздықоваға жұбаныш белдесуіне мүмкіндік сыйлады.
Екінші жұбаныш белдесуінен бастаған Сыздықова моңғолиялық Қарсыласы Очирбатын Насанбурмааны 3:2 есебімен ұтты. Қола үшін болған кездесуде мысырлық Энас Мостафаны 7:4 есебімен жеңді.
Сөйтіп, Қыздар күресінен қазақтан шыққан тұңғыш Олимпиада жүлдегері – Эльмира Сыздықова атанып отыр.
Естеріңізге сала кетейік, бұған дейін 2008 жылы Бейжіңде Елена Шалыгина (63 келі), 2012 жылы Лондонда Гүзел Манюрова (75 келі) қола алған болатын.