Басты бет / Бокс / БЕКМАН СОЙЛЫБАЕВ WBC ҮЗДІКТЕРІ ҚАТАРЫНДА

БЕКМАН СОЙЛЫБАЕВ WBC ҮЗДІКТЕРІ ҚАТАРЫНДА

Дүниежүзілік бокс кеңесі (WBC) өздерінің жаңарған рейтингін жариялады. Солардың арасында қазақстандық Бекман Сойлыбаев (11-0, 4KO) екінші жеңіл салмақ дәрежесінде (130 фунт – 58,9 келі) ТОП-25 боксшының қатарына енді.

 

30 сәуір күні Мексикада чемпиондық жекпе-жегін өткізіп,  венесуэлалық Самуэл Гонсалесті жеңуі арқылы WBC International белбеуін жеңіп алған Бекман әлемдік рейтингтегі жағдайын жақсарта алды. Қазір ол WBC тұжырымының екінші жеңіл салмақ дәрежесіндегі рейтингінде 25-орында.

Айтпақшы, оның келесі қарсыласы WBC International Silver белбеуінің иегері Горацио Кабрал (18-1-0, 8КО) да рейтингте әжептеуір жоғары өрледі. Бұған дейін 48-ші сатыда тұрған аргентиналық боксшы 24-ші орынға көтерілді. Екеуінің жекпе-жегі биыл қыркүйек айында өтеді деп күтілуде.

Естеріңізге сала кетейік, Бекман Сойлыбаев кәсіпқой бокста 11 айқас өткізіп, барлығында жеңіске жеткен. Соның төртеуінде қарсыластарын нокаутқа жіберген. Соңғы айқасын 30 сәуір күні Мексиканың Чиуауа қаласында өткізіп, екінші жеңіл салмақ дәрежесіндегі WBC International чемпиондық белбеуін жеңіп алған.

Сондай-ақ

ДЖИУ-ДЖИТСУДАН ЖАСТАР ОЙЫНДАРЫ МӘРЕСІНЕ ЖЕТТІ

19-22 мамыр аралығында Атырау қаласында джиу-джитсу спортынан 4-ші Қазақстан Республикасының жастар ойындары өтті. Қызықты факт, …