Басты бет / Қысқы спорт / ЭЛИЗАВЕТ ТҰРСЫНБАЕВА ҚЫЗЫЛОРДАЛЫҚ ЖАС СПОРТШЫЛАРҒА ШЕБЕРЛІК САҒАТЫН ӨТКІЗДІ

ЭЛИЗАВЕТ ТҰРСЫНБАЕВА ҚЫЗЫЛОРДАЛЫҚ ЖАС СПОРТШЫЛАРҒА ШЕБЕРЛІК САҒАТЫН ӨТКІЗДІ

«Мұз айдыны» спорт кешенінде елімізді әлемге танытып жүрген жерлесіміз, қызылордалық Элизабет Тұрсынбаева мәнерлеп сырғанау секциясына қатысатын тәрбиеленушілерге шеберлік сабағын өткізді. 

4 дүркін Қазақстан жеңімпазы, халықаралық дәрежедегі спорт шебері Элизабет Тұрсынбаева алғашқы рет өз тәжірибесімен бөлісіп, мәнерлеп сырғанаудың қыр-сырын, әдіс-тәсілдерін үйретті.

Мұз айдыны ханшайымы Элизабет жас мәнерлеп сырғанаушылармен сұхбаттасу барысында олардың осы спортқа деген ынта-ықыласының артқандығын, қызығушылықтарының жоғары екендігін байқады. Сондай-ақ, бірқатар спортшылардың өзіне ұқсап, елімізді халықаралық ареналарда әлемге танытатын ниеттерінің бар екендігіне көз жеткізді.

Элизабет қыркүйек айынан бастап сегіз халықаралық жарыстарға қатысуды жоспарлап отыр. Соның ішінде 2019 жылдың 2-12 наурыз аралығында Ресейдің Красноярск қаласында өтетін XXIX қысқы Универсиадада студенттер арасында алғашқы мәрте бағын сынамақ.

Одан кейін 12-24 наурыз аралығында Жапонияда болатын Әлем чемпионатында еліміздің намысын қорғайды. Осы жарыстарға тыңғылықты дайындалу үшін жазда Ресейде өтетін оқу-жаттығу жиынына қатысады.

Сондай-ақ

ПРЕМЬЕР-ЛИГАНЫҢ 22-ШІ КЕЗЕҢІНІҢ ЕҢ ҮЗДІК ГОЛЫ ДЕП ЖАМБЫЛ КӨКЕЕВТІҢ ГОЛЫ ТАҢДАЛДЫ

Қазақстан кәсіпқой футбол лигасы Премьер-лиганың жиырма екінші турының үздік голын анықтау мақсатында жанкүйерлер арасында сауалнама …

Добавить комментарий