Басты бет / Кәсіпқой бокс / Айдар Шәрібаев / АЙДАР ШӘРІБАЕВТЫҢ ЖАҢА ҚАРСЫЛАСЫ КОЛУМБИЯЛЫҚ БОКСШЫ

АЙДАР ШӘРІБАЕВТЫҢ ЖАҢА ҚАРСЫЛАСЫ КОЛУМБИЯЛЫҚ БОКСШЫ

Қазақстандық кәсіпқой боксшы Айдар Шәрібаев сенбі күні таңертең кәсіпқой шаршы алаңдағы жетінші жекпе-жегін өткізеді. Бұл туралы Diamond Ring промоутерлік компаниясының ресми сайты хабарлады.

Top Rank және All Star Boxing промоутерлік компанияларының ұйымдастыруымен өтетін жекпе-жек кеші АҚШ-тың Киссимми қаласында өтеді. Айдардың қарсыласы – колумбиялық Даулис Прескотт. Кәсіпқой бокстағы мансабын 2006 жылы 20 жасында бастаған Даулис осы күнге дейін 36 айқас өткізіп, соның 31-інде жеңіске жеткен. 23 рет қарсыласын нокаутқа жіберген. 2012 жылы жартылай жеңіл салмақ дәрежесінде WBA чемпиондық белбеуінен үмітті болып, ямайкалық Николас Уолтерске қарсы шаршы алаңға шыққан. Алайда, техникалық нокаутпен жеңілген.

Боксшылар бүгін салмақ өлшеу рәсімінен өтті.

Сурет: vk.com/kazproboxing

Естеріңізге сала кетейік, Айдар Шәрібаев 28 қазан күні Машантакетте Колумбияның басқа боксшысы Карлос Падильямен жұдырықтасуы керек болатын. Бірақ, соңғы сәтте қарсыласының денсаулығына байланысты жекпе-жек болмай қалған. Ал колумбиялық боксшы Падильядан әлдеқайда мықтырақ.

Ақпарат көзі: Vesti.kz

Сондай-ақ

2017 ЖЫЛҒЫ ЕҢ ҮЗДІК ДЖИУ-ДЖИТСУШЫЛАР

Өткен 2017 жылғы қортынды бойынша «Ең үздік спортшы – 2017 жыл» номинациясы бойынша спортшыларды жас …

Добавить комментарий